Kvartet

Biçem-Haus pansionatında yaşayan təqaüdçü opera müğənniləri musiqidən uzaq qala bilmirlər. Bu evin sakinləri hər il bəstəkar Verdinin ad gününə həsr olunmuş böyük qala-konsert hazırlayırlar. Lakin növbəti tədbir ərəfəsində pansionata yeni bir sakin — vaxtilə məşhur opera priması olmuş və çətin xarakteri ilə tanınan Cin gəlir.

Cinin gəlişi keçmiş səhnə yoldaşları ilə münasibətləri yenidən gündəmə gətirir. Qocaman ifaçılar çıxışın baş tutması üçün köhnə inciklikləri unutmalı, şəxsi iddialarını kənara qoymalı və aralarındakı unudulmuş hissləri sınaqdan keçirməli olurlar. Qəhrəmanların yenidən birlikdə oxumaq cəhdi gözlənilməz anlarla müşayiət olunur.

2012-ci ildə çəkilmiş «Kvartet» musiqili komediya filmi Böyük Britaniya və Almaniyanın birgə istehsalıdır. Ekran əsərinin rejissoru Dastin Hoffman, baş rol ifaçıları isə Meqqi Smit, Tom Kortni, Billi Konnolli və Polin Kollinzdir.