Bu sevgi bu gecə yox olsa belə

Yuxarı sinif şagirdi Kim Cə-von parta yoldaşını təqiblərdən qorumaq üçün xuliqanların şərtini yerinə yetirir. O, məktəbin heç kimə üz verməyən gözəli Han So-yuna görüşmək təklifi göndərir və rədd cavabı alacağını gözləyir. Lakin qız gözlənilmədən razılaşır, amma müəyyən tələblər irəli sürür: onlar yalnız dərslərdən sonra qısaca danışmalı və bir-birlərinə qətiyyən aşiq olmamalıdırlar.

Cə-von bu qəribə qaydalarla razılaşıb onunla görüşməyə başlayır. Gənc oğlan qızın bu addımının arxasında duran həqiqəti bilmir. Han So-yun anteroqrad amneziyadan əziyyət çəkir və xəstəliyinə görə yeni xatirələri yaddaşında saxlaya bilmir.

2025-ci ildə ekranlara çıxan «Bu sevgi bu gecə yox olsa belə» (Even If This Love Disappears Tonight) filminin rejissoru Kim He-yondur. Cənubi Koreya istehsalı olan melodramada əsas obrazları Çxu Yon-u, Şin Şi-a, Ço Yu-con və Çin Ho-ın canlandırıblar.