Ağ saray

İyirmi yeddi yaşlı Maks Beron reklam agentliyində uğurla çalışsa da, gənc həyat yoldaşının vəfatından sonra kədər içində yaşayır. Gecə saatlarında təsadüfən rastlaşdığı qırx üç yaşlı Nora Beyker onun həyatını gözlənilmədən dəyişir. Şəhərin kənarında yaşayan Nora ucuz bir kafedə işləyən, duyğusal və müstəqil qadındır.

Yaş və sosial təbəqə fərqinə baxmayaraq, bu iki fərqli insan arasında ehtiraslı sevgi münasibəti başlayır. Bir-birinə bənzəməyən qəhrəmanlar hisslərinin gələcəyinin olub-olmadığını anlamağa çalışırlar.

«Ağ saray» (White Palace) melodram filmi rejissor Luis Mandoki tərəfindən ekranlaşdırılıb. 1990-cı ildə ABŞ-da istehsal olunmuş ekran əsərində baş rolları Syuzen Sarandon, Ceyms Speyder, Ceyson Aleksander və Keti Beyts canlandırıblar.