Bir həftəlik dostlar

Yuxarı sinif şagirdi Yuki Hase sinif yoldaşı Kaori ilə yaxınlaşmaq və dostlaşmaq istəyir. Tənhalığa üstünlük verən və insanlardan kənarda qalan qız isə bu təklifi qəbul etmir. Çünki qəribə bir səbəb var: hər bazar ertəsi Kaori dostları haqqında olan bütün xatirələrini tamamilə unudur.

Qız bu vəziyyəti açıqlasa da, Yuki fikrindən daşınmır. Gənc oğlan hər həftə münasibəti sıfırdan başlamaq bahasına olsa belə, Kaorinin yanında qalmağı və onunla ünsiyyəti davam etdirməyi seçir. Onların arasında yaddaş maneələrinə baxmayaraq xüsusi bir bağ formalaşmağa başlayır.

«Isshukan friends» 2017-ci ildə Yaponiyada ekranlara çıxmış dram, komediya və melodram filmidir. Ekran işinin rejissoru Şosuke Murakamidir. Əsas obrazları Haruna Kawaguchi, Kento Yamazaki, Seika Furuhata və Sairi Ito canlandırıblar.