Zəlzələ

1988-ci ilin qışında Ermənistanda baş verən güclü yeraltı təkanlar ölkənin böyük bir hissəsini viran qoydu. Spitak və Leninakan da daxil olmaqla onlarla yaşayış məntəqəsi dağıldı, on minlərlə insan həyatını itirdi, yüz minlərlə sakin isə evsiz qaldı. Fəlakət yerində qalan insanlar dağıntılar altında sağ qalan doğmalarını axtarmağa başladılar.

«Zəlzələ» filmi bu böyük fəlakət fonunda iki nəfərin — Konstantin Berejnoy və gənc Robert Melkonyanın qarşılaşmasını göstərir. İllər əvvəl Konstantin səbəb olduğu qəzada Robertin valideynlərinin ölümünə görə cəza çəkmişdi. Həbsdən çıxıb ailəsinin yanına qayıtdığı gün baş verən zəlzələ onları eyni xilasedici dəstədə birləşdirir, lakin onlar bir-birlərini dərhal tanımırlar.

Tarixi dram janrında çəkilən filmin rejissoru Sarik Andreasyandır. 2016-cı ildə ekranlara çıxan Rusiya və Ermənistan birgə istehsalı olan ekran əsərində baş rolları Konstantin Lavronenko, Mariya Mironova, Viktor Stepanyan və Tatev Ovakimyan canlandırıb.