Fremde Haut

Doğma İranda təqiblərlə üzləşən Fəribə Almaniyaya qaçmağa məcbur qalır. Lakin onun siyasi sığınacaq almaq istəyi rədd edilir. Yaxın dostu Siamakın intiharından sonra qadın onun sənədlərini götürür, kişi paltarı geyinərək kiçik bir alman şəhərciyindəki qaçqın düşərgəsinə yollanır.

Sənədlərin borcunu qaytarmaq üçün Fəribə yerli fabrikdə iş tapır. Digər fəhlələrlə eyni duşa girməkdən imtina etdiyi üçün iş yoldaşları onu təhqir edirlər. Bu çətin günlərdə o, Anna adlı yerli qadınla tanış olur və aralarında yaranan isti münasibət nəticəsində Anna onun gizlətdiyi həqiqəti hiss etməyə başlayır.

«Fremde Haut» filmi 2005-ci ildə Almaniya və Avstriya kinematoqrafçıları tərəfindən dram janrında lentə alınıb. Layihənin rejissoru Ancelina Makkarone olub, baş rolları isə Yasmin Tabatabay, Navid Axavan, Mossadegh Hamid və Bernd Tauber canlandırıblar.