Təpəyə qalxıb dağdan enən ingilis

1917-ci ildə Uelsdə yerləşən kiçik bir kəndə ingilis xəritəçiləri gəlir. Onların məqsədi Finon-qavr yüksəkliyini ölçməkdir. Qaydalara əsasən, bir yüksəkliyin rəsmi olaraq dağ sayılması üçün onun hündürlüyü ən azı min fut təşkil etməlidir. Lakin hesablamalar göstərir ki, kənd sakinlərinin fəxri olan bu yerə dağ statusu almaq üçün düz on altı fut çatmır.

Qəsəbə camaatı bu nəticə ilə razılaşmır və ölçmə işlərinin yenidən aparılmasını tələb edir. Gəlmə mütəxəssislər isə inadkarlıq göstərərək qərarlarını dəyişmək istəmirlər. Belə olduqda kəndin tərs sakinləri hiyləyə əl atırlar: onlar ətraf sahələrdən torpaq daşıyaraq təpənin zirvəsini süni şəkildə qaldırmağa girişirlər.

«Təpəyə qalxıb dağdan enən ingilis» filmi rejissor Kristofer Monqer tərəfindən lentə alınıb. 1995-ci ildə Böyük Britaniyada çəkilmiş bu kinoda baş rolları Hyu Qrant, Tara Fitsjerald, Kolm Mini və İan Maknis canlandırıb.