Günəşin qaranlıq tərəfi

Nadir anadangəlmə xəstəlik səbəbindən Rik Kleytonun dərisi nə günəş işığına, nə də adi lampalara tab gətirə bilir. O, başdan-ayağa qoruyucu dəri geyimdə gəzməyə məcburdur və hətta öz simasının necə göründüyünü belə bilmir.

Adriatik sahilindəki kiçik bir şəhərə təsadüfən gələn gənc amerikalı aktrisa onun həyatını büsbütün dəyişir. Qəlbində yaranan sevgi hissi Riki qaranlıqdan çıxmağa və təhlükəli addım atmağa vadar edir. O, sağalma ümidini birdəfəlik kənara qoyaraq ömrünün cəmi üç gününü azad şəkildə günəş altında keçirmək qərarına gəlir.

1988-ci il istehsalı olan «The Dark Side of the Sun» dram filmi ABŞ, Kanada və Yuqoslaviya kino ustalarının birgə layihəsidir. Rejissor Bojidar Nikoliçin çəkdiyi bu kinolentdə əsas rolları Bred Pitt, Şeril Pollak, Qay Boyd və Konstantin Nitçoff canlandırıb.