Das schweigende Klassenzimmer

1956-cı ildə Şərqi Almaniyanın Ştalinştadt şəhərində yaşayan Teo və Kurt adlı iki yuxarı sinif şagirdi Qərbi Berlinə qısa səfər edir. Oradakı kinoteatrda nümayiş olunan xəbər lentində onlar Budapeştdə baş qaldıran xalq üsyanının görüntüləri ilə qarşılaşırlar. Bu kadrlar gənclərdə böyük təəssürat yaradır və onları baş verənlərin əsl mahiyyəti ilə maraqlanmağa vadar edir.

Doğma şəhərlərinə qayıdan oğlanlar bütün sinif yoldaşlarını Qərb radiosuna qulaq asmağa razı salırlar. Bunun üçün onlar şəhər kənarında tənha yaşayan bir qocanın evinə gizlicə toplaşırlar. Macarıstan xalqının azadlıq mübarizəsi və sovet ordusunun bu üsyanı sərt şəkildə yatırması məktəblilərin daxilində etiraz hissi oyadır.

Almaniya istehsalı olan «Das schweigende Klassenzimmer» adlı tarixi dram filmi rejissor Lars Kraume tərəfindən 2018-ci ildə çəkilib. Əsas rolları Leonard Şayxer, Tom Qraments, Lena Klenke və İsayya Mixalski canlandırıblar.