Kinky Boots

Çarli Prays ailəsinə məxsus köhnə ayaqqabı fabrikini təhvil alır. Müəssisə müasir zavodlarla rəqabət apara bilmədiyi üçün iflas ərəfəsindədir. Uğursuzluqlara öyrəncəli olan Çarli illərlə fəaliyyət göstərən bu biznesi böhrandan necə qurtaracağını bilmir.

Tale onu kabare ulduzu Saymonla, səhnə adı ilə Lola ilə qarşılaşdırır. Qadın geyimlərində çıxış edən bu ekstravaqant müğənni və onun həmkarları hündürdaban, xüsusi ölçülü və dözümlü səhnə çəkmələrinə ehtiyac duyurlar. Çarli heç vaxt görmədiyi bu qeyri-adi sifarişi hazırlamaqla fabrikin işini bərpa etməyə cəhd edir.

ABŞ və Böyük Britaniyanın ortaq istehsalı olan «Kinky Boots» filminin rejissoru Culian Carrolddur. 2005-ci ildə çəkilmiş dram və komediya janrlı bu musiqili ekran əsərində baş rolları Coel Edqerton, Çivetel Eciofor, Sara-Ceyn Potts və Cemayma Ruper ifa ediblər.