Həyatda hər şey olur

Gənc ana Tina dünyasını dəyişməzdən əvvəl körpə qızına hər doğum günündə oxuması üçün səkkiz məktub qoyub gedir. Səkkiz yaşı tamam olan balaca Anjali sonuncu məktubu açır. Orada anası ona atasının tələbəlik illərindəki eyniadlı yaxın rəfiqəsindən və vaxtilə onların xoşbəxtliyi üçün öz hisslərindən keçməsindən bəhs edir.

Anasının arzusu atasını həmin köhnə dostu ilə yenidən bir araya gətirməkdir. Lakin digər Anjali artıq başqa bir insanla ailə qurmaq ərəfəsindədir. Balaca qız atasının keçmiş sevgisini geri qaytarmaq və planlaşdırılan toy ərəfəsində onları qovuşdurmaq üçün müxtəlif maneələri aşmalı olur.

1998-ci il Hindistan istehsalı olan «Həyatda hər şey olur» (Kuch Kuch Hota Hai) filminin rejissoru Karan Johardır. Melodram və komediya janrındakı ekran əsərində baş rolları Şahrux Xan, Kacol, Rani Mukherci və Fəridə Cəlal canlandırıblar.