Vasitəçi

Gənc ana körpəsini kilsənin nəzdindəki körpə qutusuna qoyub gedir. Həmin gecə növbədə olan kilsə xidmətçisi San-hyon köməkçisi ilə birlikdə kamera qeydlərini silir və uşağı götürür. Onlar qanunsuz yolla körpəyə yeni ailə tapıb böyük məbləğdə pul qazanmaq niyyətindədirlər. Lakin ertəsi gün ananın geri qayıtması vəziyyəti dəyişir; qadın övladına artıq alıcı tapıldığını öyrənəndə bu təkliflə razılaşır.

İki kişi, gənc ana və körpə köhnə mikroavtobusa minib başqa şəhərə doğru yola düşürlər. Onların arxasınca isə gizlicə polislər izləyir. Uzun müddətdir bu vasitəçiləri təqib edən detektivlər onları cinayət başında yaxalamaq üçün uyğun məqamı gözləyirlər.

2022-ci ildə çəkilmiş «Vasitəçi» (Beurokeo) dram filminin rejissoru Hirokazu Koreedadadır. Cənubi Koreya istehsalı olan ekran əsərində baş rolları Son Kan-ho, Kan Don-von, Pe Du-na və Li Ci-ın canlandırıblar.