Oğlanlar qayıdır

İdman müxbiri Co Varr həyat yoldaşının vəfatından sonra Cənubi Avstraliyada altı yaşlı oğlu ilə tək qalır. Qayınanasının etirazlarına və uşağı himayəyə götürmək istəyinə baxmayaraq, Co balaca oğlunun tərbiyəsini təkbaşına öz üzərinə götürməyə qərar verir.

Çox keçmədən onun ilk nikahından olan böyük oğlu da İngiltərədən onların yanına köçür. İndi ata hər iki övladını yenidən tanımalı, onlarla dil tapmağı öyrənməlidir. Uşaqlar isə ailə bütövlüyünü qorumaq üçün həyatlarında ilk dəfə ciddi qərarlar vermək məcburiyyətində qalırlar.

2009-cu ildə çəkilmiş «The Boys Are Back» dram filmi Böyük Britaniya və Avstraliyanın birgə istehsalıdır. Ekran əsərinin rejissoru Skott Hiksdır, əsas rolları isə Klayv Ouen, Emma But, Lora Freyzer və Corc Makkey canlandırıblar.