Sonsuz Aşk

Zeynep balaca bacısı ilə birgə yaşayır və kiçik sevinclərlə dolu sakit bir ömür sürür. Gənc yaşda professor adına layiq görülən uğurlu cərrah Can isə bütün vaxtını sevdiyi peşəsinə həsr edir. İlk baxışdan bu iki insanın həyat tərzləri və maraq dairələri tamamilə fərqlidir.

Gözlənilməz qarşılaşma onların yollarını birləşdirir və hər ikisinin gündəlik reallığını büsbütün dəyişir. Fərqli dünyaların nümayəndələri olan Zeynep və Can bir-birlərini tanıdıqca gələcəyə tamamilə fərqli nəzərlərlə baxmağa başlayırlar.

2017-ci ildə Türkiyədə çəkilmiş «Sonsuz Aşk» filminin rejissoru Ahmet Katıksızdır. Dram janrında olan filmin baş rollarını Murat Yıldırım və Fahriye Evcen Özçivit paylaşıb, digər rollarda Fatih Al və Filiz Ahmet çəkilib.