Köhnə tanış

1924-cü ilin mayında ciddi bir romanın müəllifi olan yazıçı Keyt Marlou mühazirə oxumaq üçün doğma şəhərinə qayıdır. O, uşaqlıq rəfiqəsi Milli Dreykin evində qalmağı seçir. Milli bu yaxınlarda vaxtilə Keytə aşiq olmuş Prestonla ailə həyatı qurub. Qonaqlıq zamanı ev sahibi Keytə özünün də qadınlar üçün məhəbbət romanı yazdığını və bu kitabın çox oxunacağına inandığını bildirir. Tezliklə bu xəyallar gerçəkləşir və kəndli qadın gözlənilmədən böyük şöhrət qazanır.

Səkkiz il sonra ailə Keytin əsəri əsasında hazırlanan tamaşanın premyerası üçün Nyu-Yorka köçür. Tədbirdən bir gün əvvəl Preston Keytə hələ də onu sevdiyini və şöhrətdən təkəbbürlənən Milli ilə evliliyinin dözülməz olduğunu etiraf edir. Keyt bu hisslərə qarşılıq verməyə meylli olsa da, uşaqlıq dostluğuna xəyanət etməmək üçün onu dinləməkdən imtina edir.

ABŞ istehsalı olan «Köhnə tanış» melodram filmi 1943-cü ildə rejissor Vinsent Şerman tərəfindən çəkilib. Ekran əsərində baş rolları Bette Deyvis, Miriam Hopkins, Giq Yanq və Con Loder canlandırıb.