Marrowbone

Bilinməyən bir təhlükədən qaçan ana dörd övladı — üç oğlu və bir qızı ilə birlikdə gözdən uzaq, köhnə bir malikanədə məskunlaşır. Ailə bu böyük evdə yeni bir başlanğıc etmək qərarına gəlir. Yaxınlıqdakı fermada yaşayan Elli adlı gənc qızla tanışlıq isə uşaqlar üçün xoş bir təsəlliyə çevrilir və aralarında möhkəm dostluq yaranır.

Lakin onların dinc həyatı qısa sürür. Ananın qəfil vəfatından sonra uşaqlar tək qalır və bu itkini gizlətməyə çalışırlar. Çox keçmədən köhnə malikanədə qəribə, anlaşılmaz və qorxulu hadisələr baş verməyə başlayır.

2017-ci il istehsalı olan «Marrowbone» filmi dram və qorxu janrlarını özündə birləşdirir. İspaniya və ABŞ-nin birgə layihəsi olan ekran işinin rejissoru Serxio X. Sançesdir. Baş rolları Corc Makkey, Anya Teylor-Coy, Çarli Hiton və Mia Qot canlandırıblar.