Möhtəşəm Marti

1952-ci ilin Nyu-Yorku. İyirmi üç yaşlı istedadlı stolüstü tennis ustası Marti Mauzer beynəlxalq şöhrət qazanmaq arzusu ilə yaşayır. Britaniyaya bilet pulu yığmaq üçün o, ayaqqabı mağazasında satıcı işləyir. Qarşısına qoyduğu əsas məqsəd isə British Open turnirində qalib gələn ilk amerikalı olmaqdır. Menecer vəzifəsinə yüksəlmək təklifini rədd edən gənc yalnız çempionluq kubokunu düşünür.

Müdirinin istirahətə gedərkən onun aylıq məvacibini ödəmədiyini öyrənən Marti təhlükəli addım atır. O, tapança ilə iş yoldaşını hədələyərək seyfdəki haqqı olan pulu götürür. İşi dərhal tərk edən tennisçi nüfuzlu yarışda iştirak etmək üçün təcili Londona yola düşür.

ABŞ istehsalı olan «Marty Supreme» idman dramının rejissoru Coş Səfdidir. 2025-ci ildə çəkilən ekran əsərində baş rolları Timoti Şalame, Qvinet Peltrou, Odessa Ezayon və Kevin O'Liri canlandırırlar.