Penkovoda belə olmuşdu

Cəzasını çəkib qayıdan traktorçu Matvey Morozov doğma kəndinə doğru yola çıxır. Yolboyu o, keçmiş günləri — evliliyini, qəlbində baş qaldıran yeni hissləri və həbsinə səbəb olan səhvlərini xatırlayır. Zəhmətkeş, lakin dəcəl xasiyyətli Matvey kolxoz sədrinin başına az oyun açmırdı. Traktorla yarış zamanı texnikanı sıradan çıxarması az qala onu məhkəməyə aparacaqdı, lakin vəziyyətdən çıxış yolu kimi sədrin qızı Larisa ilə toyu baş tutur.

Kəndə gənc zootexnik Tonya gəldikdən sonra ailə həyatında narahatlıq başlayır, çünki Matvey ilə onun arasında yaxınlıq yaranır. Kəndin dedi-qoduçusu Alevtinanın yaydığı söz-söhbət Larisada dəhşətli qısqanclıq oyadır və o, rəqibini aradan qaldırmağa cəhd edir. Hadisələrin gərginləşməsi Matveyi gözlənilməz və təhlükəli bir addım atmağa vadar edir.

1957-ci ildə ekranlara çıxan «Penkovoda belə olmuşdu» adlı SSRİ filminin quruluşçu rejissoru Stanislav Rostotskidir. Melodram janrında lentə alınan bu əsərdə baş rolları Vyaçeslav Tixonov, Maya Menqlet, Svetlana Drujinina və Vladimir Ratomski canlandırıblar.