Səndən Mənə Qalan

Valideynlərini itirən balaca Özgür kənddəki kimsəsizlər evinə baxan ailəsindən uzaqlaşmaq məcburiyyətində qalır. O, uşaqlıq sevgisi Elifə on gün sonra geri dönəcəyinə söz versə də, varlı babasının himayəsinə keçdikdən sonra illər boyu İstanbula bağlanır. On il ərzində dəbdəbəli həyata, davalara və gecə əyləncələrinə alışan gənc mirasın ona qalacağı günü səbirsizliklə gözləyir.

On səkkiz yaşı tamam olanda babasının vəsiyyətnaməsindəki xüsusi şərt ortaya çıxır: sərvətə sahiblənmək üçün o, doğulduğu kəndə qayıtmalı və oradakı məktəbi bitirməlidir. Pulunu almaq üçün kəndə yollanan Özgür keçmiş həyatını geridə qoymalı olur və burada yenidən Elif ilə qarşılaşır.

Türkiyə istehsalı olan «Senden Bana Kalan» dram filmi 2015-ci ildə rejissor Abdullah Oğuz tərəfindən çəkilib. Ekran əsərinin baş rollarında Neslihan Atagül, Ekin Koç, Zeynep Kankonde və Salih Özmener çıxış edirlər.