Gecənin qaranlığında itkin düşən

Gecə vaxtı Dovalibi ailəsinin yeddiyaşlı qızı Jaklin qəfil yoxa çıxır və bir neçə gündən sonra boğularaq öldürüldüyü məlum olur. Bu qətlin baş verməsi yerli prokuror Riçard Deyn üçün siyasi seçki kampaniyasının ən gərgin dövrünə təsadüf edir. Əsl qatili axtarmaq üçün kifayət qədər vaxt tapmayan və karyerasını düşünən ittiham tərəfi dərhal valideynlərin özlərinə qarşı saxta cinayət işi qurur.

Kütləvi informasiya vasitələrində geniş işıqlandırılan proses nəticəsində kədərli ailə evlərini, azadlıqlarını və digər uşaqları üzərindəki hüquqlarını tamamilə itirir, ata isə səksən il həbs cəzasına məhkum edilir. Lakin bu haqsızlığa biganə qalmayan bir qrup vəkil və xəfiyyə heç bir təmənna güdmədən həqiqəti üzə çıxarmaq üçün fədakarlıqla mübarizə aparan anaya kömək əlini uzadır.

1996-cı ildə ABŞ-də ekranlaşdırılan «Gone in the Night» dram filminin rejissoru Bill L. Nortondur. Əsas obrazları Şennen Doerti, Kevin Dillon, Lawrence Hanson və Ceyms Entoni canlandırıblar.