Həyatdan da böyük

Şəhərətrafı qəsəbədə yaşayan məktəb müəllimi Ed Everi gündəlik qayğılardan, ağır iş qrafikindən və mövcud vəziyyətindən daim narazılıq keçirir. Qəfil səhhəti pisləşən zaman həkimlər onda damarlarla bağlı nadir bir xəstəlik aşkarlayırlar. Həyatını xilas etmək məqsədilə ona o dövr üçün yeni olan eksperimental kortizon preparatı təyin edilir.

Müalicə müsbət nəticə versə də, Ed dərmanın dozasını həddindən artıq qəbul etməyə başlayır. Preparatın təsiri ilə daxilində gizlənən aqressiya və maniyalar üzə çıxır, xarakteri sürətlə dəyişir. Öz adi məişətindən nifrət edən müəllim sonda doğma ailəsini qorxu içində saxlamağa başlayır və öz oğlunun həyatı üçün ciddi təhlükə mənbəyinə çevrilir.

«Bigger Than Life» dram filmi 1956-cı ildə ABŞ-da rejissor Nikolas Rey tərəfindən ekranlaşdırılıb. Baş rolları Ceyms Meyson, Barbara Raş, Uolter Mettau və Robert F. Saymon canlandırıblar.