Talli

Artıq iki uşaq böyüdən və yeni körpə dünyaya gətirən ana yorğunluqdan əldən düşür. Varlı qardaşı onun vəziyyətini görüb xərcləri öz üzərinə götürərək gecə dayəsi tutmağı təklif edir. Qadın əvvəlcə bu fikrə qarşı çıxsa da, yuxusuz keçən ağır gecələrdən sonra razılaşmaq məcburiyyətində qalır.

Evə Talli adlı gənc köməkçi gəlir və uşağın gecə qayğısını tamamilə öhdəsinə götürür. O, işinin öhdəsindən o qədər qüsursuz gəlir ki, ilk baxışdan ideal dayə təsiri bağışlayır. Lakin bu həddindən artıq mükəmməllik ana üçün getdikcə şübhəli görünməyə başlayır.

«Talli» dramatik komediya filmi rejissor Ceyson Raytman tərəfindən lentə alınıb. ABŞ və Kanada istehsalı olan bu 2017-ci il ekran əsərində baş rolları Şarliz Teron, Makkenzi Devis, Ron Livinqston və Mark Düplass canlandırır.