Addım irəli 4

Professional rəqqasə olmaq istəyən Emili Mayamiyə yola düşür. Burada o, şəhər məkanlarında qəfil musiqili fleşmoblar təşkil edən MOB adlı rəqs qrupunun rəhbəri Şonla tanış olur. Gənclər arasında tezliklə sevgi münasibəti yaranır, komanda isə böyük pul mükafatı qazanmaq üçün xüsusi müsabiqədə yarışır.

Lakin qəhrəmanın nüfuzlu biznesmen olan atası komandanın doğma məhəlləsini yenidən qurmağı və minlərlə sakini köçürməyi planlaşdırır. Şon və dostlarına dəstək olmaq istəyən Emili rəqqaslara qoşularaq etiraz çıxışları hazırlamağa başlayır. O, şəxsi arzusunu təhlükə altına qoyaraq insanların hüquqları uğrunda mübarizəyə qoşulur.

ABŞ istehsalı olan «Addım irəli 4» filmi 2012-ci ildə nümayiş olunub və məşhur rəqs layihəsinin dördüncü hissəsidir. Ekran əsərinin rejissoru Skott Spirdir. Əsas rolları Rayan Quzman, Ketrin MakKormik, Mişa Qebriel Hemilton və Kleopatra Koulmen canlandırıb.