Maktub

Stiv və Çuma yerli mafiya rəhbəri üçün pul yığaraq quldurluqla məşğul olurlar. Növbəti tapşırıq zamanı bir restoran sahibini döyərək xərac verməyə məcbur edirlər. Bu hadisədən dərhal sonra başqa bir məkana daxil olduqları anda orada güclü bomba partlayışı baş verir.

Sağ qalmağı möcüzə sayan cinayətkarlar bu xilası ilahi bir işarə kimi qəbul edirlər. Köhnə həyat tərzindən əl çəkən ortaqlar insanlara kömək etmək və yaxşılıq paylamaq qərarına gəlirlər.

İsrail istehsalı olan «Maktub» komediya-dram filmini rejissor Oded Raz çəkib. 2017-ci ildə təqdim olunan layihənin baş rollarında Qay Amir, Xanan Savyon, Qal Amitay və Çen Amsalem yer alıb.