Kokteyl

Böyük iddiaları olan Brayan Flanaqan hər zaman zənginlik, güc və əyləncəli bir ömür arzulayır. Lakin böyük şirkətlər qapılarını onun üzünə bağlayanda, cibində pulu qalmayan gənc məcburən barmen işləməyə başlayır.

Asan qazancın hökm sürdüyü Manhetten gecələrində Brayan qısa müddətdə barların əsl ulduzuna çevrilir. Lakin müstəqil xarakterli Cordan ilə tanışlıq onun bu həyatını tamamilə dəyişir. Digər qadınlardan fərqlənən Cordan ona həqiqi hissləri və öz daxili kimliyini dərk etməyə kömək edir.

ABŞ istehsalı olan «Kokteyl» filmi 1988-ci ildə rejissor Rocer Donaldson tərəfindən çəkilib. Baş rolları Tom Kruz, Brayan Braun, Elizabet Şu və Lourens Lakinbill canlandırıblar.