Kartaxena

Keçmiş boks çempionu Leo artıq idmandan uzaqlaşıb və Kolumbiyada günlərini içkiyə qurşanaraq keçirir. Eyni şəhərdə yaşayan zəngin fransız qadın Müriel isə ağır yol qəzasından sonra yataq xəstəsinə çevrilib. Ana dilində danışan baxıcı axtaran qadının yanına pul ehtiyacı olan Leo gəlir və bu çətin işi öz üzərinə götürür.

Bir-birindən tamamilə fərqli olan bu iki insanın ilk günləri gərginliklə başlayır. Mürielin şıltaqlıqları və Leonun kobudluğu qarşılıqlı nifrət yaratsa da, eyni məkanda vaxt keçirmək məcburiyyəti tədricən münasibətləri dəyişir. Zaman keçdikcə tərəflər arasında gözlənilməz hisslər oyanır.

2009-cu il istehsalı olan «Kartaxena» dram filminin rejissoru Alen Mondur. Fransada lentə alınan ekran əsərində baş rolları Sofi Marso, Kristofer Lambert, Marqarita Rosa de Fransisko və Rodolfo De Souza canlandırıb.