Cəsur

Rafael ailəsi ilə birlikdə Morqantaun adlı nəhəng zibilxananın kənarında, dərin yoxsulluq içində gün keçirir. Çıxış yolu axtaran kişi gözlənilməz və qorxunc bir təkliflə üzləşir. Makkarti adlı prodüser lentə alacağı növbəti layihədə kameranın qarşısında gerçək qətli çəkmək niyyətindədir.

Bu çəkilişdə baş rolu oynayacaq şəxsə çox böyük məbləğdə qonorar vəd olunur. Doğmalarının gələcəyini təmin etmək istəyən Rafael həmin şərtlə razılaşır. Çəkilişlərin başlanmasına və həyatının sonuna cəmi yeddi gün vaxt qalır.

ABŞ istehsalı olan «The Brave» dram filmi 1997-ci ildə ekranlara çıxıb. Conni Deppin rejissorluq etdiyi bu ekran əsərində baş rolları Marlon Brando, Marşall Bell, Elpidiya Karrilyo və rejissorun özü canlandırıb.