Divar arxasındakı səslər

Satosi dəb jurnalında fotoqraf işləsə də, əslində təbiət mənzərələrini çəkmək arzusundadır. O, Kanadaya getməyə hazırlaşır, lakin rəhbərlik ondan məşhur kumirə çevrilmiş dostunun fotosessiyasını həyata keçirməyi tələb edir. Qonşu mənzildə yaşayan Nao isə gülçüdür və Fransaya getmək üçün dizaynerlik imtahanlarına hazırlaşmaqla günlərini keçirir.

Bir-birini heç vaxt görməyən bu iki gənc eyni divarın arxasında yaşadıqlarından belə xəbərsizdirlər. Onlar sadəcə qonşu mənzildən gələn gündəlik məişət səslərini eşitməyə və bir-birlərinin addımlarına qiyabi şəkildə öyrəşməyə başlayırlar.

«Divar arxasındakı səslər» (Oto-na-ri) filmi 2009-cu ildə Yaponiyada rejissor Naoto Kumadzava tərəfindən çəkilib. Melodram janrında olan filmin baş rollarında Cuniçi Okada, Kumiko Aso, Mitsuki Tanimura və Yoşinori Okada çıxış edirlər.