Platforma

Qoren adlı şəxs könüllü olaraq qeyri-adi bir təcrübədə iştirak etməyə razılıq verir. O, gözlərini çoxmərtəbəli nəhəng bir kompleksin qırx səkkizinci səviyyəsindəki boş otaqda açır. Döşəmədə və tavanda olan dördbucaqlı dəliklər bütün mərtəbələri birləşdirir və hər qatda cəmi iki sakin qalır.

Kompleksdəki yeganə qidalanma vasitəsi hər gün yuxarıdan aşağıya doğru enən nəhəng bir süfrədir. Aşağı səviyyələrdə olanlar yalnız yuxarıdakılardan qalan artıqlarla kifayətlənməyə məcburdur və binanın neçə mərtəbədən ibarət olduğunu heç kim bilmir. Hər ayın tamamında iştirakçıların yerləri təsadüfi şəkildə dəyişdirilir; Qoren özü ilə sadəcə bir kitab, qonşusu isə iti bıçaq götürüb.

İspaniya istehsalı olan «Platforma» filmi 2019-cu ildə nümayiş olunub. Triller janrında çəkilmiş ekran əsərinin rejissoru Qalder Qastelu-Urrutiyadır, baş rolları isə İvan Massaqe, Sorion Eqileor, Antoniya San Xuan və Emilio Buale canlandırıb.