Crazy Beautiful You

Əyləncə xatirinə törətdiyi sonuncu dəlilik Cekini birbaşa polis bölməsinə aparıb çıxarır. Qızının bu cür hərəkətlərindən təngə gələn atası onu dərkə gətirmək məqsədilə anası ilə birlikdə Tarlak əyalətində təşkil edilən tibbi missiyaya yola salır.

Orada inadkar qız yerli merin oğlu və könüllü çalışan Kiko ilə tanış olur. Həyatsevər gənc Cekiyə ətrafındakı gözəllikləri görməyi, sevməyin və bağışlamağın nə dərəcədə böyük əhəmiyyət kəsb etdiyini anlamaqda kömək edir.

Filippin istehsalı olan «Crazy Beautiful You» filmi 2015-ci ildə rejissor Mey Krus tərəfindən çəkilib. Ekran əsərində baş rolları Ketrin Bernardo, Daniel Padilla, Lorna Tolentino və Qabbi Konsepsyon canlandırırlar.