Son dərs

Məktəb müəlliməsi çətin yeniyetmələrin daimi təhqirləri və hədələri səbəbindən psixoloji sarsıntı həddinə çatır. Rəhbərlik isə sinifdəki gərgin vəziyyətə göz yumur. Dərs zamanı dəstə başçısı ilə mübahisə əlbəyaxa davaya çevrilir və qadının əlinə həqiqi tapança keçir. Təsadüfi atəş səsləri eşidilir və qorxuya düşən şagirdlər öz müəllimələrinin girovuna çevrilirlər.

Binanın ətrafına hücuma hazır xüsusi təyinatlı qüvvələr toplaşır, içəridə isə gərgin dialoq başlayır. Silah gücünə Molyerin əsərlərini oxumağa məcbur qalan uşaqlar tədricən daxili hisslərini bölüşürlər. Sinifdə qapalı qalan tərəflər yeniyetmələrin ətrafa bəslədiyi nifrətin və qəzəbin kökünü anlamağa çalışırlar.

«Son dərs» (La journée de la jupe) dram filmi rejissor Jan-Pol Lilinfeld tərəfindən çəkilib. Fransa və Belçika istehsalı olan bu ekran əsəri 2008-ci ildə nümayiş olunub. Baş rolları İzabel Acani, Deni Podalides, Xalid Bərkuz və Yann Ebonj canlandırıblar.