Nortenger abbatlığı

Kasıb zadəgan ailəsindən olan gənc Ketrin Morland xalası ilə birlikdə məşhur Bat kurortuna yollanır. O, burada general Tilninin oğlu Henri ilə tanış olur. Ətrafdakıların varlı hesab etdiyi general əslində qumarbazdır və müəmmalı şəkildə vəfat etmiş həyat yoldaşının bütün sərvətini çoxdan uduzub.

Ketrinin guya zəngin bir varis olduğu barədə yalan xəbər eşidən general oğlunu sərfəli evləndirmək məqsədilə qızı öz mülkünə dəvət edir. Lakin Ketrinin valideynlərinin yoxsul olduğu üzə çıxanda general böyük məyusluq yaşayır. Buna baxmayaraq, Henri ilə Ketrin artıq bir-birinə ürəkdən bağlanırlar.

2006-cı ildə ekranlara çıxan «Northanger Abbey» filminin rejissoru Con Consdur. Böyük Britaniya, ABŞ və İrlandiyanın birgə istehsalı olan bu dramda baş rolları Felisiti Cons, Cey Cey Fild, Keri Malliqan və Ketrin Uoker canlandırıb.