Lukun hekayəsi

Autizm sindromlu iyirmi beş yaşlı Lyuk uzun müddət nənəsi və babasının qayğısı sayəsində sakit bir mühitdə böyüyüb. Nənəsinin vəfatı onun əvvəlki həyatına son qoyur. Gənci yanına alan problemli qohumlar nə ona, nə də qocalar evinə göndərdikləri babaya dözüm göstərmək istəmirlər.

Ayrılmazdan əvvəl babası Lyuka iş tapmağı, qızla tanış olmağı və öz həyatını qurmağı tapşırır. Bu sözlər gənc üçün konkret bir hədəfə çevrilir. Həyatında ilk dəfə aydın bir məqsəd görən oğlan müstəqil addımlar atmaq qərarına gəlir.

ABŞ istehsalı olan «The Story of Luke» filmi 2012-ci ildə rejissor Alonso Mayo tərəfindən çəkilib. Komediya, dram və melodram janrlarını birləşdirən layihədə baş rolları Lu Teylor Putççi, Set Qrin, Keri Elves və Kristin Bauer canlandırıb.