Getməzdən əvvəl

Luka adlı gənc adi bir gənclik həyatı sürür: dostları ilə vaxt keçirir, imtahanlara hazırlaşır və sevgilisi ilə münasibət qurmağa çalışır. Xəyanətlə üzləşdiyi bir vaxtda həkim müayinəsinin nəticəsi onun bütün planlarını alt-üst edir. Həkimlər gəncə sağalmaz xəstəliyə tutulduğunu və yaşamaq üçün çox az vaxtının qaldığını bildirirlər.

Xəstəxanada o, Culiya adlı qeyri-adi bir qızla qarşılaşır. Eyni taleyi bölüşən iki gənc tezliklə bir-birinə bağlanır və aralarında dərin hisslər yaranır. Lakin Lukanın ölümcül diaqnozun ona səhvən qoyulduğundan, Culiyanın isə həqiqətən xəstə olduğundan xəbəri yoxdur.

İtaliya istehsalı olan «Getməzdən əvvəl» filmi 2022-ci ildə rejissor Massimo Kapelli tərəfindən lentə alınıb. Baş rolları Rikkardo Mariya Manera, Cenni De Nutççi, Emanuele Turetta və Pino Kvartullo canlandırırlar.