SER

Yeniyetmə Saşa Qriqoryev çətin tərbiyə olunan uşaqlar üçün nəzərdə tutulmuş xüsusi internatda saxlanılır. Qapalı müəssisənin sərt qaydalarına baxmayaraq, o, oradan qaçmaq qərarına gəlir. Həm özünü, həm də digər uşaqları gözləyən ağır cəza təhlükəsi oğlanı bu fikrindən daşındıra bilmir.

Saşa artıq ikinci dəfədir ki, nəzarət altından çıxmağa cəhd göstərir. Onun yeganə məqsədi azadlığa qovuşmaq və həbsdə olan atasını tapmaqdır. İndiyədək atasını heç vaxt görməyən uşaq doğma adamı ilə görüşmək naminə hər cür çətinliyə dözməyə hazırdır.

1989-cu ildə SSRİ-də lentə alınmış «SER» dram filminin rejissoru Sergey Bodrovdur. Əsas rollarda Aleksandr Bureyev, Svetlana Qaytan, Vladimir Kozırev və Vitautas Tomkus çəkiliblər.