Dəlilik

Fransada yaşayan Jan Berlo uzun müddətdir eyni qarabasmanın təsiri altındadır: yuxularında onu zorla ruhi xəstəxanaya aparırlar. Anasının dəfn mərasimindən qayıdan gənc yolda Markiz adlı qəribə bir zadəganla qarşılaşır. Yeni tanışı Janı gecələmək üçün öz qəsrinə dəvət edir.

Qəsrdə qalan qonaq gözlənilmədən küfr dolu mərasimlərin və müalicəvi adlandırılan saxta dəfn ayinlərinin şahidi olur. Oradan qaçmaq istəyən Janı Markiz özünəməxsus üsullarla qorxularından qurtarmağa çalışır. Zadəgan onu xəstələrin tam sərbəst gəzdiyi, həkimlərin və tibbi heyətin isə barmaqlıqlar arxasında saxlandığı qeyri-adi bir dəlixanaya aparır.

«Šílení» dram və qorxu janrlarını birləşdirən bədii filmdir. Çexiya və Slovakiya istehsalı olan bu ekran işini 2005-ci ildə rejissor Yan Şvankmayer ərsəyə gətirib. Əsas obrazları Yan Trjiska, Pavel Lişka, Anna Geyslerova və Martin Quba canlandırıblar.