Mən və Orson Uells

1937-ci ilin payızında on yeddi yaşlı Riçard Semyuels adi məktəb günlərindən sonra Manhettendə vaxt keçirir. Təsadüf nəticəsində gənc oğlan hələ rəsmi açılışı baş tutmayan «Merkuri» teatrının binasına düşür. Həmin vaxt burada gənc və iddialı Orson Uellsin rəhbərliyi altında qızğın məşqlər gedir.

Rejissor Riçardı bəyənərək ona «Yuli Sezar» tamaşasında kiçik bir rol həvalə edir. Gələcəkdə «Vətəndaş Keyn» filmini çəkəcək Uellslə birlikdə çalışmaq məktəblinin bütün həyatını dəyişir. O, teatr pərdəsi arxasındakı fərqli mühitlə tanış olaraq böyük səhnə təcrübəsi qazanır.

«Me and Orson Welles» komediya-dram filmi 2009-cu ildə rejissor Riçard Linkleyter tərəfindən ekranlaşdırılıb. ABŞ, Böyük Britaniya və Men adasının birgə istehsalı olan bu layihədə əsas rolları Zak Efron, Kristian Makkey, Kler Deyns və Zoi Kazan canlandırıb.