Vişidə baş vermiş hadisə

Hadisələr işğal altındakı Fransa torpaqlarında cərəyan edir. Nasistlər fərqli təbəqələrdən və müxtəlif millətlərdən olan insanları saxlayaraq müvəqqəti təcridxanaya toplayırlar. Beləliklə, bir-birini tanımayan şəxslər eyni qapalı məkanda qalırlar.

Ölüm təhlükəsi ilə üz-üzə gələn bu insanlar üçün zaman getdikcə daralır. Həyatlarının tükənmək üzrə olduğunu anlayan dustaqlar əsl simalarını büruzə verməyə başlayırlar. Ağır vəziyyətdə qalan qəhrəmanların hər biri gözlənilməz cəhətlərini ortaya qoyur.

SSRİ istehsalı olan dram janrlı «А это случилось в Виши» filmi 1989-cu ildə rejissor Mixail Kozakov tərəfindən ekranlaşdırılıb. Əsas rollarda İqor Kaşintsev, Konstantin Kravinski, Vitali Ovanesov və Mixail Filippov çəkiliblər.