Suzhou çayının sirri

Şanxayda kuryer işləyən Mardar gənc Maudanla tanış olur və ona aşiq olur. Qızın atası qaçaqmalçılıqla məşğul olan varlı bir adamdır. Mardarın cinayətkar tanışları Maudandan pul tələb etmək üçün onu qaçırmağı planlaşdırırlar və kuryer də bu işə qarışır. Lakin plan baş tutmur, xəyanəti öyrənən Maudan isə körpüdən Suzhou çayının sularına tullanaraq yoxa çıxır.

Mardar cinayətə görə üç il həbs cəzası çəkir. Azadlığa çıxdıqdan sonra o, gecə klubunda su pərisi obrazında çıxış edən Meymey adlı qızla qarşılaşır. Meymey zahirən itirdiyi sevgilisinə həddindən artıq bənzəyir və Mardar onun keçmiş sevgilisi olub-olmadığını anlamağa çalışır.

«Suzhou he» filmi 2000-ci ildə rejissor Lou Ye tərəfindən çəkilib. Çin və Almaniyanın ortaq istehsalı olan bu melodramda baş rolları Zhou Xun, Jia Hongsheng, Hua Zhongkai və Yao Anlian canlandırıb.