Eqo

İyirmi beş yaşlı Sebastyan günlərini dostları ilə əyləncə məclislərində keçirir, təsadüfi tanışlıqlar qurur və vaxtaşırı musiqi ilə məşğul olur. O, nə ciddi bir musiqiçi olmağı qarşısına məqsəd qoyur, nə də böyük bir sevgi axtarışına çıxır.

Baş verən qəza gəncin taleyini tamam dəyişir və o, görmə qabiliyyətini itirir. Qaranlıq dünyaya düşən Sebastyan ətrafındakı insanların əsl simasını görməyə və həyatına tamamilə fərqli pəncərədən baxmağa məcbur olur.

İsveç istehsalı olan «Eqo» filmi 2013-cü ildə rejissor Liza Ceyms-Larsson tərəfindən çəkilib. Komediya, dram və melodram janrlarını birləşdirən ekran əsərində əsas rolları Martin Valström, Milen Hedreul, Sisella Kayl və Peter Andersson canlandırıblar.