Ata

Döyüşlər başa çatdıqdan sonra cəbhədən qayıdan Aleksey İvanov sevinmək əvəzinə daxili qorxu və nigaranlıq keçirir. O, balaca qoyub getdiyi övladlarının və həyat yoldaşı Lyubanın onu unuda biləcəyindən ehtiyat edir. Doğma diyarına gedən qatarda Aleksey Masha adlı gənc qızla tanış olur. Həmin qız da doğma şəhərinə qayıdır, lakin orada uzaq qohumlarından başqa heç kimi qalmayıb. Aleksey qızın düşdüyü stansiyada onunla birlikdə düşərək iki gün onun yanında qalır, sonra isə ailəsinin yanına yola düşür.

Evdə hər kəs sağ-salamat olsa da, keçmiş döyüşçü üçün dinc həyata uyğunlaşmaq çox çətin olur. Hər günün sonuncu ola biləcəyi müharibə qaydaları aydın idi, doğma evdə isə həyat yoldaşını və övladlarını yenidən anlamaq tələb olunur. Aleksey sıfırdan yaşamağı, bağışlamağı və sevməyi yenidən öyrənməli olur.

«Ata» (Oteç) adlı tarixi dram filmini rejissor İvan Solovov lentə alıb. 2007-ci ildə Rusiyada çəkilmiş ekran əsərində baş rolları Aleksey Quskov, Polina Kutepova, Yekaterina Vasilyeva və Lyudmila Arinina canlandırıb.