Müsahibə

Təcrübəli və həyata qarşı xeyli bədbin olan jurnalist Pyer redaksiyadan yeni bir tapşırıq alır. O, əsasən ucuz qorxu filmlərində və seriallarda çəkilən gənc aktrisa Katya ilə görüşüb ondan müsahibə götürməlidir. Belə bir iş nə siyasi mövzulardan yazmağa alışmış müxbiri, nə də qarşısındakı təkəbbürlü adamı görən aktrisanı sevindirir.

Görüşün ilk dəqiqələrindən etibarən hər iki tərəf arasında açıq narazılıq yaranır. Katya jurnalistin verdiyi yersiz və mənasız suallardan qıcıqlanır, Pyer isə ulduzun davranışlarına qarşı soyuq münasibətini gizlətmir. Tədricən onların söhbəti adi bir reportaj çərçivəsindən çıxaraq qarşılıqlı sınağa və psixoloji mübarizəyə çevrilir.

2006-cı ildə ekranlara çıxan «Müsahibə» filmi ABŞ, Kanada və Niderland kinematoqrafçılarının birgə istehsalıdır. Ekran əsərinin rejissoru olan Stiv Buşemi baş rolu da özü canlandırıb. Filmdə digər əsas rolları Sienna Miller, Maykl Buşemi və Tara Elders ifa ediblər.