85-in yayı

On altı yaşlı Aleks səksəninci illərin ortasında Normandiya sahilində tətilini keçirir. Məktəbi indicə bitirən gənc gələcək planları barədə hələ qərar verməsə də, sadəcə xoşbəxt olmağa çalışır. Dəniz gəzintisi zamanı qəfil tufan onun qayığını çevirir və Aleksin köməyinə tanımadığı bir oğlan çatır.

Bu hadisədən sonra onların arasında sürətlə sıx və səmimi bir dostluq yaranır. Heç vaxt ölməyəcəklərini düşünən gənclər bir-birinə qəribə bir vəd verirlər: kim tez dünyasını dəyişsə, digəri onun məzarı üstündə rəqs etməlidir. Lakin bu təlatümlü münasibətlərin qarşıdakı ayları adlaya biləcəyi böyük sual altındadır.

«85-in yayı» (Été 85) dram filmi rejissor Fransua Ozon tərəfindən ekranlaşdırılıb. Fransa və Belçikanın birgə istehsalı olan bu ekran əsəri 2020-ci ildə işıq üzü görüb. Əsas rolları Feliks Lefevr, Benjamin Vuazen, Filippin Velj və Valeriya Bruni-Tedeski canlandırıblar.