Culpa nuestra

Ögey bacı və qardaş olan Nik ilə Noanın valideynlərinin etirazlarına rəğmən başlayan münasibətləri illər əvvəl ayrılıqla nəticələnmişdi. Dörd il keçdikdən sonra onlar İbitsada baş tutan tanışlarının toy mərasimində yenidən üz-üzə gəlirlər. Bu müddət ərzində Nik Londonda işləməyə başlayıb və ailəsinin məsləhət gördüyü iddialı hüquqşünas Sofiya ilə münasibət qurub. Noa isə hələ də daimi iş tapmayıb və təkdir, lakin adaya uçarkən təyyarədə Simon adlı xoşxasiyyət bir gənclə tanış olur.

İllər sonra baş verən bu görüş keçmiş hissləri yenidən oyadır. Noa keçmiş sevgisini xatırlayarkən, Nik ilk anlarda xəyanətin gətirdiyi incikliyi və kədəri hiss edir. Keçmiş sevgililər həm bir-birlərinə qarşı ziddiyyətli duyğuları ilə, həm də həyatlarındakı yeni insanlarla üzləşməli olurlar.

İspaniya istehsalı olan dram və melodram janrlı «Culpa nuestra» filminin rejissoru Dominqo Qonsalesdir. 2025-ci il ekran işinin baş rollarında Nikol Uolles, Qabriel Qevara, Marta Asas və İvan Sançes çəkiliblər.