Qısqanc

«Qısqanc» adlı fransız filmi filologiya müəllimi Natali Peşönün həyatından bəhs edir. Boşanmış bu qadın uzun müddət qayğıkeş ana kimi tanınsa da, qəflətən onda ətrafındakılara qarşı dözülməz bir paxıllıq hissi baş qaldırır.

İlk hədəf onun baletlə məşğul olan on səkkiz yaşlı gənc qızı olur. Zaman keçdikcə bu qərəzli münasibət təkcə ailə ilə məhdudlaşmır; qadının qısqanclığı iş yoldaşlarına, dostlarına və qonşularına da yönəlir. Baş qəhrəmanın xasiyyətindəki dəyişikliklər tədricən bütün çevrəsini bürüyür.

2017-ci il istehsalı olan layihənin rejissorları David Fonkinos və Stefan Fonkinosdur. Ekran əsərində baş rolu Karin Viyar canlandırıb, digər obrazlarda isə Dara Tombroff, Enn Dorval və Tibo de Montalamber çıxış ediblər.