Mənim ögey qardaşım Frankenşteyn

Moskvada yaşayan ailə başçısı əyalətdə böyümüş yetkin oğlu Pavelin varlığından gözlənilmədən xəbər tutur. Çeçenistan müharibəsindən əlil qayıdan bu gəncin paytaxtda təcili cərrahi əməliyyata ehtiyacı yaranır. Beləliklə, o, atasının Moskvadakı evinə təkcə qonaq kimi deyil, bir müddət birlikdə yaşamaq üçün gəlir.

Ailə başçısı yad insanı həyatına daxil etməkdən çəkinsə də, oğlunu küçədə qoymağa vicdanı yol vermir və getdikcə ona bağlanır. Lakin evdəki digər ailə üzvləri qəribə davranışları və təqib hissi olan bu gənci qəbul etmək istəmirlər. Pavel isə döyüşlərin hələ də bitmədiyini zənn edir və öz yeni ailəsini xəyali düşmənlərdən qorumağa çalışır.

«Mənim ögey qardaşım Frankenşteyn» dram janrlı filmi 2004-cü ildə Rusiyada çəkilib. Rejissoru Valeri Todorovski olan ekran əsərinin baş rollarında Leonid Yarmolnik, Daniil Spivakovski, Yelena Yakovleva və Sergey Qarmaş çıxış edir.