Destination Anywhere

Con və Ceyni qızlarının faciəvi ölümündən sonra ağır sarsıntı keçirirlər. Dərdi birlikdə daşıya bilməyən cütlük bir-birindən uzaqlaşır. Ceyni kədərini içkidə boğmağa çalışır, Con isə günlərini kazinolarda və klublarda qumar oynayaraq keçirir, getdikcə artan borcları ucbatından həyatını riskə atır.

Kişinin evə qayıdışları da soyumuş münasibətləri qaydasına salmır; arvadı ilə ortaq dil tapmaq cəhdləri boşa çıxır. Lakin Ceyninin çalışdığı xəstəxanaya tərk edilmiş bir körpə gətirildikdə, ailənin daxili böhranında gözlənilməz dönüş yaranır.

ABŞ istehsalı olan bu dram filmi 1997-ci ildə rejissor Mark Pellinqton tərəfindən çəkilib. Baş rolları Con Bon Covi, Demi Mur, Annabella Şiorra və Kevin Beykon canlandırıblar.