Həyat bircə dəfə verilir

On illik ailə həyatından sonra Marinın nikahı dağılır: ərinin katibə ilə münasibətini bağışlaya bilməyən qadın tək qalır. O, bütün vaxtını sevimli peşəsinə, jurnalistikaya həsr etməyə başlayır. Fasiləsiz və ağır iş rejimi tezliklə səhhətində problemlər yaradır, həkimlər isə ona dərhal sanatoriyada dincəlməyi məsləhət görürlər.

İstirahət mərkəzinə gələn qadının ardınca bura başqa bir şəxs də yollanır. Həmin adam xüsusi və mühüm bir tapşırığı yerinə yetirmək üçün ora göndərilib.

«Жизнь одна» filmi 2003-cü ildə Rusiyada çəkilib. Melodram janrında olan bu ekran əsərinin quruluşçu rejissoru Vitali Moskalenkodur. Baş rollarda Tatyana Yakovenko, Aleksey Nilov, Sergey Bezrukov və Tatyana Lyutayeva çıxış edirlər.