Şeyx Badiyar. Sevgi və qisas hekayəsi

Müqəddəs torpaqlara doğru zəvvarlıq yolunda iki ailə — bir ərəb və bir yəhudi ailəsi səhrada güclü fırtınaya tuş gəlir. Hər iki hamilə qadın təbiət hadisəsinin ortasında eyni vaxtda doğuş edir. Lakin oğul arzusunda olan ərəbin qızı ölü doğulur, yəhudi ailəsində isə ana oğlan uşağını dünyaya gətirdikdən sonra həyatını itirir.

Yoldaşını itirən yəhudi ata təkbaşına körpəni böyüdə bilməyəcəyini anlayır. O, oğlunun sağ qalması naminə onu ərəbə verir. Beləliklə, gələcəkdə ən varlı ərəb şeyxlərindən birinin vəliəhd şahzadəsi olacaq Badiyarın mürəkkəb həyat yolu başlayır.

ABŞ istehsalı olan bu dram filmini 1978-ci ildə rejissor Ken Ennakin çəkib. «Şeyx Badiyar. Sevgi və qisas hekayəsi» filmində baş rolları Franko Nero, Enn Arçer, Oliviya Hassi və İan Makşeyn canlandırırlar.