Uve adlı bir adam

Yaşlı və deyingən Uve bütün məhəlləni ciddi qaydalarla idarə etməyə çalışır. O, hər tərəfə atılan zibilə və ya səhv park edilmiş maşınlara dözə bilmir, qonşularına hər addımda irad tutur. Öz qarajında və evində isə həmişə mükəmməl səliqə-sahman hökm sürür, çünki Uve hər bir işi öz əli ilə görməyi bacarır.

Lakin bu sərtdilli qocanın daxilində böyük bir boşluq var və həyat onun üçün çoxdan öz mənasını itirib. Qonşuluğa köçən yeni ailənin səriştəsizliyi və adi bir mismarı belə vura bilməməsi Uveni yenidən özündən çıxarır. Bu gözlənilməz tanışlıq tədricən onun qapalı və tənha günlərinin gedişatına təsir etməyə başlayır.

2015-ci ildə ekranlara çıxan «En man som heter Ove» filmi İsveç, Danimarka və Norveç istehsalıdır. Ekran əsərinin quruluşçu rejissoru Hannes Holm, baş rol ifaçıları isə Rolf Lassqord, Bahar Pars, Filip Berq və İda Enqvoldur.